ភ្នំពេញ៖ រាជរដ្ឋាភិបាលកម្ពុជាបានចេញអនុក្រឹត្យថ្មីមួយស្ដីពីឯកសណ្ឋាណ សញ្ញាសម្គាល់ និងសញ្ញាសក្តិរបស់មន្ត្រីអធិការកិច្ចសំណង់នៅកម្ពុជា ដែលកំណត់ពីឯកសណ្ឋានសម្រាប់មន្ត្រីអធិការកិច្ចសំណង់ប្រើប្រាស់សម្រាប់បំពេញការងារអនុវត្តន៍ច្បាប់ស្ដីពីសំណង់ និងលិខិតបទដ្ឋានគតិយុត្តពាក់ព័ន្ធនឹងវិស័យសំណង់នៅក្នុងព្រះរាជាណាចក្រកម្ពុជា។
សម្លៀកបំពាក់នោះបានកំណត់ព័ណ៌ទឹកសមុទ្រចាស់បែកល្ងសជាព័ណ៌សម្គាល់ទាំងមន្ត្រីជាបុរសនិងស្ត្រី ក្រៅនេះក៏មានមួកសុវត្ថិភាព និងមួកកាស្កែតធ្វើពីក្រណាត់សម្រាប់ពាក់ ថែមទាំងមានអាវចំណាងផ្លាតព័ណ៌ត្រួយចេកសម្រាប់ពាក់ធ្វើការនៅតាមការដ្ឋានសំណង់ផងដែរ។
ក្រៅពីសម្លៀកបំពាក់ឯកសណ្ឋានក៏មានភ្ជាប់ជាមួយព្រះសង្ហារ សញ្ញាសម្គាល់ សញ្ញាស័ក្កិផងដែរ។
យោងតាមអនុក្រឹត្យនេះមន្ត្រីអធិការកិច្ចសំណង់ម្នាក់ៗនឹងទទួលជារៀងរាល់ឆ្នាំនូវ អាវចំនួន ២អាវចំណាំងផ្លាតចំនួន ២ ខោឬសំពត់ចំនួន ២ ខ្សែក្រវ៉ាត់ចំនួន ១ ស្បែកជើងឃ្លុបចំនួន ១គូ ស្បែកជើងសុវត្ថិភាពចំនួន ២ បួកកាស្កែតចំនួន ១ សញ្ញាសម្គាល់ចំនួន ១ឈុត និងសញ្ញាសក្ដិចំនួន ១ឈុត៕